最佳茄哩啡獎——Mr. Y獨家專訪

問：你做茄哩啡做咗幾年呀？

答：入行到依家，廿幾年度。

問：你覺得點解會有茄哩啡哩個角色？

答：我唔知，我做戲喳。冇人想做茄哩啡！你想唔想做茄哩啡？你想麼？你梗系唔想，系人都想做導演、做主角啦！米高積遜首歌都講啦：“no one wants to be defeated”，有邊個會願意放地自己做茄哩啡？但系一套戲邊度有咁多主角或者導演，梗系要有茄哩啡嘅。我哋做人都一樣，唔可以下下都要話事，梗系要有人退一步。

問：有冇想過做大明星、做主角呢？

答：做大明星？我依家咪就系大明星咯，我依家攞獎呀，仲唔系大明星？我唔系大明星你哋又點會來訪問我？做主角系好幸苦咔，而且做主角好快Out。你睇下，有幾個大明星可以唔Out咔？十只手指都數得晒啦。我唔系話我哋哩行唔Out，而系我哋跟本就未In過，點Out勒？只要演好每一個小角色就系大明星啦！唔信？我咪就系人版咯！

問：你覺得最難演嘅系麼嘢角色？

答：冇。（冇？點解呀？）我覺得最難演嘅角色就系個D自己唔鍾意嘅角色，明明我唔開心仲要谷住笑、去配合。但系，我哋茄哩啡跟本就冇的選，除非唔做。所以，對一個專業嘅茄哩啡來講，冇最難演嘅角色；只系有最難做到嘅掩飾。

最佳茄哩啡獎——頒獎+感言

今日我真系好開心（哽咽地落淚）。我好開心，我終於得到最佳茄哩啡獎。首先，我要感謝上帝，因為冇祂嘅帶領，我唔會有今日嘅成就（例牌開場白）。多謝大會同埋評審颁哩個獎俾我，對我嘅肯定同鼓勵。多謝我父母同埋我身邊每一個人。仲有就系要多謝你哋，一路以來支持我、鍾意我哩個茄哩啡嘅人。要做一個專業嘅茄哩啡真系唔簡單，要時時插學識角，係每個人領銜主演嘅戲內面插上一角：扮乖仔、扮好丈夫、扮老師、扮學生、扮傳道、扮上班族，同埋扮看崗等等。做個茄哩啡唔同做主角，你唔可以有要求，只要好好掩飾自己，盡量配合導演、配合主角，咁就得啦！唔好話我誇，我做茄哩啡好少NG咔。再一次多謝大家，我會俾心機繼續演好每一個角色，成為最出色嘅茄哩啡！多謝！

最佳茄哩啡獎——倒數

最佳茄哩啡獎——預告